‪signatures‬

مجموعة ja hotel فيها 3 فنادق داخل منتجع واحد كل فندق له طابع مختلف و عند الحجز في احد الفنادق يمكنك ان تستخدم جميع المرافق فيه خدمات جميلة يقدمونها و اذا كنت من سكان الاوتيل يسوون لك خصم زي لعبة البادل اذا صار معك كور قيمتها 100 درهم تقريباً لل90 دقيقة و الشوتيينق اي سلاح تختاره ب 150 درهم للشخص لل25 رصاصة و فيه فعاليات كثيره مجانية و المدفوعه يقدمون لك خصم قريب لل50٪ طبعاً ال5 نجوم على جمال المنتجع و الخدمه الراقيه اللي يقدمونها رغم اني شاهدت عدة ملاحظات الا اني بالاخير قيمت بال5 نجوم وانا شخصياً غير راضي على اليومين اللي جلست فيهم ولكن الفندق يستاهل اكثر ملاحظه سببت مشكلة بأقامتي هي سوء السرير ، غير مريح نهائي خاصةً اذا كنت تبي سرير فردي سيئ جداً و مساحته ضيقة و سبب لي الم بالظهر طبعاً انا سكنت بالفندق اللي على الشاطئ يعتبر الاقدم و فيه الفنادق الثانيه جديده ولكن هذا اسوء سرير نمت فيه بحياتي لا انا ولا صديقي ، اتمنى يأخذون الادارة هذه الملاحظة بعين الاعتبار و ايضاً مطعم sette الايطالي اتمنى ان يقومون بمراجعة الوتير لان الويتر هو اللي يعكس صورة المطعم اذا كان الويتر غير محترم و يتأفف وهو ياخذ طلبك و بمنتصف الطلب يمشي و يخليك و يخدم زبون ثاني فان المطعم ......... و اعتذارهم يدل على ان التصرف اللي بدر من الوتير فردي ولا يعكس صورة المطعم

اقامه سيئه بكل ما تحويه الكلمه من معنى، ويفتقرون لادنى معاير المصداقيه، والعاملين وخدمة العملاء في قمة السوء.. كانت تجربه جداً تعيسه من حيث المعامله والمصداقيه والمكان وحتى نظافة الغرفة وبالاخص نظافة الفراش كانت في قمة السوء.. حجزت لان الفندق فيه نشاطات للاطفال بس للاسف من اسوء التنظيمات.. عند الحجز قالوا الوقت للكدز كلاب من ١٠ الي ٦ وسرت الساعه ١١ وقالوا مسكرين المكان … بعد ذلك وديت بنتي للركوب الخيل وقالوا فاتحين لين الساعه ٧ المساء .. سرنا الساعه ٥ وررجعونا وقالوا مسكرين !!! طبعاً اجازتنا اختربت علينا والعيال ابدن ما استمتعوا بالعكس ضايقين ودفعنا مبلغ ٢١٠٠ لليله الوحده على الفاااااااضي وعلى مكان سيء … ودفعنا ٥٠٠ زياده في حال العيال احتاجوا يطلبون اكل في الغرفه وفعلاً طلبوا ولاكن رفضوا يحطون الفاتوره على حساب الغرفه !!! ونحن دافعين اكثر من المطلوب … وفي الاخير بعد ما تكلمت مع المديره قالت لي والله انا مش متاكده من كلامج الي تقولينه ((في الاخير انا جذابه)) 🤣👎🏼 اخلاقهم لا يعلى عليها في سوء المعامله

منتجع رائع موظفون الاستقبال غاية في اللطف والتفهم الغرف والمرافق نظيفة✅ الافطار متنوع وجيد حداً خدمة الواي فاي تغطي جميع ارجاء المرافق ✅ بأمكان الضيف التجول والاستفادة من جميع مرافق المنتجعات الثلاثة.. والوصول الى الشاطئ بوسيلة نقل مجانية وسريعة✅ يعتبر الموقع بعيد قليلاً عن وسط المدينة. يستحق الزيارة👍🏻