Bewertungen von مطعم ومقهى الفنر - فيستيفال سيتي

جيد ويستحق التجربة بس لا تطلبو اي شي اسمه مالح لانه سهج اما عن بقية الاكل جيدجدا وطعمه جيد بالذات الهريس من كثر ما ماهو مطبوخ عدل طاحن العظم مع اللحم 😂 وتحسه نفس طعم هريس الاعراس وفريده باللحم لذيذ وصالونه الدياي لذيذة وجلسته الي برع ممتازه وحشرة مع الناس عيد والموظف علي المصري جدا محترم ومتعاون وحساس وايد المهم لا تنسون تطلبون خصم اسعاد نسيت اخبركم عندهم باور بانك لشحن موبيلاتكمً مجاني وفقهم الله وسدد خطاهم

الطعام كان جيد جداً.. ولكن كان يميل الى كونه طعام عادي و متواجد في مطاعم اخرى و بسعر افضل... المطعم يرجعك الى ماضي رائع بالديكورات و الرسومات و المعروضات المتواجده بداخلة... الموقع جداً ممتاز في مول الفاستيفال سيتي. العاملون على قدر عال من الاخلاق و الإحتراف في التقديم.......................................................................... ملاحظة: انا جيت قبل يقفلون بساعه ف ممكن هذا الشي اثر على جودة الاكل.

تجربتي كسائح للفطور للاماراتي بشكل عام التجربة كويسة ولكن في بعض الاطباق ما ناسبت ذوقي جربت 1-صينية ريوق اماراتي فكرة الطلب حلوة وبتجربو فيها اصناف مختلفة يجي فيها بلاليط صراحة ما حبيت لان ما عجبني طبخ الشعيرية شكشوكة كانت ممتازة ومطبوخة صح ومليانة نكهات جباب حبيتة لذيذ مرة وقوامه ممتاز والبهارات المضافة له كملته دنكو مجرد بليلة عادية باجلة كمان مجرد فول حبة كاملة خبيصة ما حبيتها قوامها محثرب و نكهاتها خفيفة تكاد تكون معدومة 2-لحم ناشف كان الذ طبق لذيذ مرة ومليان نكهة وطبخ اللحم مثالي اضافة البطاطس شكلت قوام ومختلف وجميل بشكل عام التجربة كويسة واعتقد انه مطعم ممتاز بحكم انه اغلب الزبائن اماراتيين

من الاستقبال النفس تعوف المكان عند الاتصال على المطعم للاستفسار عن امكانية تسجيل الاسم في قائمة الانتظار تم الرفض ولا عندي مشكلة اتيت الى المطعم وكان امامي قايمة من 10 مجموعات تقريبا عند تسجيل اسمي ومن ثم تسجيل رقم الجوال وعند اعطاء الرقم السعودي قالوا لي انتظر الى ان ياتي دورك ولا يمكن ان نتصل بك !!! وكان باسلوب مستفز وهل هكذا يتم التعامل مع العملاء الآخرين او المطعم يهتم بالمواطنين داخل الامارات والمقيمين ولا يهتم بالسائح ؟ بعد الانتظار 22 دقيقة تم الدخول وللاسف ان الاماكن اغلبها خاليه !! ولا اعلم بموضوع الانتظار هي اول زيارة واخر زيارة والمطاعم كثيرة وخاصة التي تحترم الزائر وترحب به وتريد إرضاء ذوقه بكل احترام اما مطعم الفنار اعتقد وقد اكون مخطئًا ان التعامل به تمييز بين الجنسيات مع التحية بدون الشكر لادارة المطعم